12. Ei ma, siidi, siiä jääq.

SL 750.
H I 8, 421 (18) < Vastseliina khlk. - J.Sandra < J. Hussar (1896).

Ei ma, siidi, siiä jääq,
ei ma, siidi, sinnä lääq,
ei ma, kallõv, sinnä kalluq,
ei verrev sinnä veerüq
noilõ valla vargilõ,
rüäkuhja röövijile!
Tüüd sääl tetäs vastupäidi,
piniq haukvaq persüpäidi,
latsõq ikvaq ilotohe,
naaseq kääväq kärehehe.
Ma iks, siidi, sinnä saa,
ma, kallõv, sinnä kallu,
ma, verrev, sinnä veerü,
koh ommaq valgõq vadsakotiq,
linikitsõq leeväkotiq!