13. Neio ei lääq läsäle mehele.

SL 751.
H II 4, 121 (54) < Lobotka k. - Jak.Hurt < Maarja (1886).

Jummal hoitku toda näiot,
toda kapo kasuvat,
kiä lätt läsäle mehele,
kulunullõ kuratillõ!
Läng om süvvä läsä leibä,
läng om läsäga maada -
armu om täl lännü, hirmu jäänü,
lämmi täl lännü, jahe jäänü,
lämmi täl lännü lävestä,
armu astnu aknist.
Kui lää ma_ks läsäga magama,
puutüküga puhkama,
käänd tä küle, lövvä külmä,
heit tä jala, lövvä jahe.
Nakas tä koolust kuulutama,
määnüt mälehtämä.
Saa-i täl hamõh arvolinõ.
käüss käeperäline.