14. Susi mingu sulasõllõ.

SL 752.
H, Setu 1884, 504 (7) < Laaseruva - Jak.Hurt < Melähnüvä Hedo (1884).

Neiokõnõ noorõkõnõ,
susi_ks minguq sulasõllõ,
kahr iks minguq kasvandullõ!
Sulasõ rügä suu veereh,
palgalisõl pajju veereh.
Oo_ks sa ulli neiokõnõ -
kui sa_ks lätsiq rükä põimma,
pilliruug pisti silmä;
lätsiq kaara kasimahe,
kastõhaina_ks sino kaara,
kastõhaina lõigas´ kaala;
sõnajalga sõõrukesvä -
lätsi_ks kesvä põimmahe,
sõnajalga lõigas´ sõrmõ.
Ait iks säläh, taba kaalah,
kõik iks hüä kübärä pääl,
vara täl piibuvarrõ pääl!

SL 753.
H II 32, 874 (17) < Räpina khlk. - S.Keerd (1890).

Imäkene helläkene,
ärä sa sundkuq sulasõllõ,
panguq palgapoosilõ!
Suur iks olguq sulastõ naane,
padi palgapoostõ naane,
kiä_ks sängü säläga kand,
magausõ hinne manna.
Kua_ks suurõ suuräti,
lasõ laja lavvaräti -
hää_ks küläst suula küssüq,
paa-väke pallõlda.
Inne viil pallõ paakõst,
pallõ paa asõmõkõst,
kummardõllõ koogu asõnd!

SL 754.
H I 8, 427 (39) < Vastseliina khlk. - J.Sandra < P. Hussar (1896).

Tulli ma üles ilmavarra,
ilmavarra, inne päivä.
Mõsi suuda, soie päädä,
lasi paja päävä puulta,
aknõ ao-tulõkist:
kai, kas kosjaq tulõvaq,
armukõsõq astuvaq.
Näi kosju tulõvada,
armukõista astuvada,
joosi sis ruttu ime mano,
karatõhna kalli mano:
"Maamakõnõ, mar´akõnõ,
hõpõhiusta, suhkrusuuda,
panõq sa pajaq pandõhõhe,
ussõ uusi rõngõhihe -
näe, kosjaq tulõvaq,
armukõsõq astuvaq!
Ärä minno sund´kuq sulasõlõ,
pandkuq palgavõtijalõ!
Sulasõl om suuri vara:
ait säläh, taba kaalah,
vara piibuvarrõ otsah,
puuriit täl puusa pääl,
rahakott rätikulla.”
17. ja 18. rea vahel on kaks rida maha jäetud, ei sündinud trükkida.