15. Kuhu neiu mehele läheb.

SL 755
H, R 3, 468 (1) < Vastseliina khlk. - H.Prants (1887).

Ei ma salliq Saalussõhõ,
ei ma kalluq Kasaritsa:
Saalussõh ommaq savimaaq,
savimaaq ja salapoisiq;
Kasaritsah ommaq kalõq maaq,
kalõq maaq ja kalõq poisiq.
Mina liida Liina valda,
mina looda Loosi valda,
mina oiu Oravillõ!
Oravil ommaq uhkõq poisiq,
uhkõq poisiq ja uhkõq maaq.
Ärä mingu-i Oravillõ -
Orava poisiq ilmalaisaq:
ei olõ suvi suuda mõsknu,
viiet aastat vettä nännü,
täiq näil haukvaq habõnih,
hiireq hiukvaq hiussih!

SL 756.
H I 8, 420 (13) < Vastseliina khlk. - J.Sandra < J. Hussar (1896).

Ei mi saaq Saalussõhõ,
ei mi kalluq Kasaritsa,
ei mi piiriq Pindi valda,
ei mi haidaq Haanihe -
mi lää pikkä pirrumõtsa,
saavaq meist kinäq keldrenaaseq,
katõ mõisa kar´anaaseq,
kolmõ mõisa kokanaaseq!