23. Olõ-i rinnah sõbra sõlgõ.

SL 770.
EKS 8° 4, 36 (12a) ja 539 (19) < Räpina khlk. - J.Jagomann (1876). [Sama laulu dublett-teisend H, Jagomann 245 (37) märgib laulikuks Kata Simulmann'i.]

Velekeseq noorõkõsõq,
ristiveleq, linnukõsõq,
et teid sõbrast sõimati,
naabõrist naarõti -
olõ-i rinnah sõbra sõlgõ,
naabõridõ naarõtut!
Velekene noorõkõnõ,
esi künnät, esi külvät,
otsi-i küläst külviterri,
onopojalt ollõterri,
lelläpojalt leeväterri,
tädipojalt taariterri!
Velekeseq noorõkõsõq,
salvõh ommaq saiajahuq,
kotoh esi teil kulatskijahuq.
Velekeseq noorõkõsõq,
tekeq taar ti tõrdohe,
mõdu ummõ mättihe,
ollu ummõ huunihe!