24. Mina olõ sõpra sõsarilõ.

SL 771.
EKS 8° 4, 261 (44) < Räpina khlk. - J.Jagomann [p.o. < Okse Tanilovits] (1877).

Minno_ks sõbrast sõimati,
naabõrist naarõti:
ülti minno sõpra sulasilõ,
naabrõ noorilõ mehile,
ülti_ks: rinnah sõbra sõlg,
ülti: kaalah kaasa helmeq,
puusa pääl poisi rätt!
Neiokõnõ noorõkõnõ,
anna ma_ks teno jumalalõ,
au suuri Maarijalõ:
olõ-i ma sõpra sulasilõ,
nopõ noorilõ mehile;
olõ-i rinnah sõbra sõlgõ,
olõ-i kaalah kaasa helmeq,
puusa pääl olõ-i poisi rätti!
Anna ma_ks teno jumalalõ,
au suuri Maarijalõ:
neiokõnõ noorõkõnõ,
mina olõ_ks sõpra sõsarilõ,
nopõ noorilõ naasilõ;
rinnah mul iks ime sõlg,
kaalah uma kandja helmeq,
puusa pääl poodirätt!