29. Naiste ilu ja neidude ilu.

SL 776.
H II 4, 86 (36) < Laossina (Liiva) k. - Jak.Hurt < üks vana naine(1886).

Lätsiq naaseq ilopaika,
naksiq illo isk´mä,
naksiq laulu laulma,
linikpääq naaq leelotama -
taivas alla sys tagasi,
aokiräq kipõndõlliq,
päiv pilveh pimeti,
ago veidü vereti.
Lätsi_ks näioq ilopaika,
naksi_ks näioq laulma,
linahiusõq leelotama -
päiv iks nõssi selgehe,
ago tull´ armahe,
taivas iks üles tagasi,
aokiräq keerätelliq.
Päiv tull´ iks üle päälikide,
kuu üle kuningidõ,
ago_ks arma esändäst.
Näioq iks iseq ilopaika,
näio lasiq laadopaika,
sys naksiq illo pidämähe,
naksiq laulu laulmahe.
Tuha oll´ iks man tundjat,
sada man sall´jat:
tuha oll´ iks torokübäräl,
sada saisiq saapõl.