31. Neiu palub venda.

SL 780.
EKS 8° 4, 262 (45) < Räpina, Kõnnu k. - J.Jagomann < Okse Tanilovits (1877).

Velekene noorõkõnõ,
ärä sa inne naista võtkuq,
ku ma kasu kaasikosta,
lavva taadõ laulijasta
haha särgi hanna pääle,
sinisärgi siilo pääle!
Velekene_ks noorõkõnõ,
ku sa_ks liigut liina teele,
vahtku[-i] sa viinavaadi pääle,
kaegu[-i] ollõkanni pääle!
Etsa_ks kaeq kaaba pääle,
heidäq silmi helmitsele -
veedü mul iks imä helmijä,
kasinahe kaalatsit!
Kõgõ jäie ma viiest vaesõst,
kuvvõst kulla armõtust -
neiokõnõ noorõkõnõ
jäie ma_ks vell´o kasutada,
üsäkirä ülendädä.
Velekene, helläkene,
ärä sa_ks ajaguq umalt armult,
ärä põlgkuq umalt põlvõlt!