35. Miä sai minost memmele.

SL 784.
EKS 8° 4, 165 (36) < Räpina, Kõnnu k. - J.Jagomann < Liisa Samuilov (1877).

Miä saa minosta memmele,
miä kassu kandijalõ?
Sau sai sanna küttemäst,
silmävesi vihtumast -
tuu sai minosta memmele,
tuu sai kasust kandijalõ.
Imäkene helläkene,
võtit sa_ks häste hellütellä,
ilusastõ imetellä!
Imä mõtõl´ toest tulõvata,
mõtõl´ abist astuvata -
tugi tull´ tulinynalõ,
abi astõ ammusuulõ.
Tütrekene helläkene!
Istõ_ks üü üleväh,
pääle paari pääväkeisi,
kistu-s mul tuli tarõsta,
tulõpiso pilakast,
küünäl kistu-s hällü külelt.
Küti_ks sanna sarapuist,
havvi vihta vislapuist -
tõie ussõ, es ma uhaq,
vei_ks ma alla alastõ,
tõie mäele mähkimätä.