37. Eeskujuline neiu.

SL 786.
H, Setu 1884, 490 (3) < Laaseruva - Jak.Hurt < Melähnüvä Hedo (1884).

Tulli üles hummogulla,
inne varra valgõt.
Miä oll´ tüü edimäne,
miä hooli hummogunõ?
Sorrõ suu mõskminõ,
käpe jala käng´mine.
Inne ma es tiiq muuda töödä,
taia-s talotüüdä,
haari_ks jumalat pallõlda,
haari ma Marijat manida.
Inne lää-s kotosta kohegi,
kui_ks võti suu sulatust,
keeleperä pehmütüst.
Sys lätsi ma põldu põimmahe,
lak´a lätsi väljä laapimahe.
Inne naka-s ma põldu põimmahe,
kõõ küsse jõudu jumalalt.
Tõi_ks jõudu tütrelle,
sys tull´ mu jummal avitama,
sys tull´ Jeessu jõvvutama -
tüü anni jõvvu tütrelle,
välä jõvvu väikollõ,
põllu jõvvu põlõtullõ,
nurmõ jõvvu nur´atullõ!
Ega minno põlõq pikäq põlluq,
ega minno laidaq lajaq väläq:
susi olli ma suurõ nurmõ pääl,
kahru olli ma lajola välilä,
kõõ_ks ma tei tüü ütsindä,
kokko mi kanni katõkeske.