38. Neiu kiidab oma käsitööd.

SL 787
H II 3, 66 (53) < Meremäe v., Hilana k. - H.Prants < Vasila Taarka (1889)

Ostõt rõivas um ohkukõnõ,
liina rõivas um liblõhõnõ,
tihkõ um umil tettüsil,
kulla umil koetusil.
Mul ummaq siidisõrmõq,
siidisõrmõq, niidinäpuq.
Meil ummaq kotoh kirä-keeleq,
kirä-keeleq, pilu-peeleq.
Kirä koi ma_ks kangahe,
pilu peelile alosti:
mändse näi tähe taivahe,
sändse koi kirä kangahe;
kerikost iks kirotõlli,
alõvast iks arotõlli.
Peeleq ai_ks akõndõ ala,
aknõkruudi kottalõ,
pelgä-s kutõh peränulgah:
pelgä-s kangas kadõhust,
illos kangas imehüst -
sai mul padi nigu papõr,
rõivas nigu raamatleht.
Anna-i iks alostus-otsa,
lõika-i lõpõtusotsa -
harv um alostus-ots,
lõdyv um lõpõtus-ots!
Terve laul võib ka pulmalaul olla.