8. Ega näiot püssül püüdäq.

SL 745.
H III 29, 819 (15) < Soelaanõ k. - J.O.Rütli < Anastasia (1901).

Olle iks viis veljä,
kuus kaabukandjat.
Kui tundsõq nääq pühi tulõvat,
aja kalli kalluvat,
kõik osti_ks siidi verevät,
ostiq vahtsõ vaniku.
Kui ma ehe ilopaika,
laulupaika laaditõli,
panni_ks päähä, pälgähti,
heidi vakka, välgähti.
Näivä_ks nulga noorõmeheq,
kaivaq kolgah kosilasõq:
"Olõs´ iks muna mullõ saasiq,
upin mullõ unõhtusiq!"
"Mõista-i sa munna veerätellä,
mõista-i hoita ubinat!"
Ilo_ks-jäl-paika ehiteli,
kui ma keere kirmaskele,
kui ma touksi turu pääle,
är kaivaq nulga noorõmeheq,
kaivaq kolgah kosilasõq -
tahtsõ_ks mu võrgul kinni võttaq,
noodal kinni nupiq.
Ärä ma kuuli, vasta kosti:
"Oh ti ulliq noorõmeheq,
pahatargaq talopojaq!
Olõ-i ma võrgul võõdõtava,
olõ-i ma noodal nubitava -
võrgul iks võõdas viidiket,
abarilla ahunit!
(Õllõ iist ei olõq ma ostõtava,
viina iist iks ei võõtava.)
Näio-om-iks-kaupa kambõr[õh],
näio kihla kelderi[h].
Huu kaup iks [h]uulitsal,
varsa kaup va(a)nijal,
näio_ks kihlaq kelderi[h],
ollõ iist iks ostõtavaq,
viina iist visatavaq.

SL 746.
H II 32, 882 (26) < Räpina khlk. - S.Keerd (1890).

Oh ti ulliq noorõmeheq,
pahatargaq talopojaq!
Näite näido minevätä,
nurmõ otsah olõvata,
naksit püssül püüdemäie,
võrgul kinni võtõmaiõ.
Ega_ks näio püssül püüdäq,
püssül püüdäq, võrgul võõdaq -
näio_ks kullal kaalutie,
rahamargal massõtie:
tuhat iks massi näio tuttu,
sada_ks massi näio sarna,
viiskümmend verepiso!