15. Võtaq mullõ naasekõnõ.

SL 816.
H I 10, 203 (3) < Miikse k. - J.Sandra < Miikse Ogask (1896).

Esäkene, imäkene,
võtaq mullõ naasekõnõ,
kaeq mullõ kaasakõnõ!
Võtaq naane naarulinõ,
kaasa kaala-arvulinõ!
Kui ei võtaq naasekõista,
kae-i mullõ kaasakõista,
naida-i neiut naarulist,
kaasat kaala-arvulist,
sys lää pullis Poolamaalõ,
suurõs sikas Soomõmaalõ,
murra sääl maha neiosit
nigu kiko kanasit,
mõtsakoira kutsikit!
Kui mullõ võtat naasekõsõ,
kaet kalli kaasakõsõ,
võtat naase naarulisõ,
kaasa kaala-arvulisõ,
naidat neiu noorõkõsõ,
sys lää nurmõ kündemähe,
armsast atra kandõmahe,
musta mulda pöörämähe!