16. Läämi naista võtõmahe.

SL 817.
EKS 8° 4, 527 (13) < Räpinä khlk. - J.Jagomann (1877). [Sama laulu dublett-teisend H, Jagomann 234 (29) järgi laulik Kata Simulmann].

Ammo oodi, kavva kaie:
võta velele naise,
otsime täl ilosa naise.
Lääme naista võtemahe,
pergepäädä piiramahe!
Näiokeseq noorekeseq,
noorekeseq, nõrgakeseq!
Tunnõt ti tulla, tunkõq ellä,
tunkõ taa perehtä pelädä,
häädä rahvastki häbedä!
Om siin paljo näiosida,
liialt linahiussida,
imel siin paljo tütäridä.
Jälki sõidi tüki maada,
tüki teedä, marga maada,
veidikese Vennemaada.
Tull´ mul vasta küläkene,
sinnä ma lätsi sisse kaema.
Sääl oll´ kulda kaivovaldas,
hõbehetseq aiavitsaq,
kulda-sääl-nuppu koa pääl,
hõberisti riida pääl.
Lätsi ma tarrõ kaema.
Sääl oll´ neli näiokesta,
kolm oll´ noorta noorikuta -
pada sääl vettä palleli,
ahi sääl halgo ha(l)leli,
kibo sääl nutnuq nuustakida,
tarõ sääl luuda tahtnuqki.