25. Nekrut-venda kiidetakse.

SL 835.
EKS 8° 4, 291 (6) < Räpinä khlk. - J.Jagomann (1877). [Sama laulu dublett-teisendi H, Jagomann 169 (7) järgi on laulikuks Ado Nuul].

Veli mul viidi Vinnemaalõ,
sarvõs suurõ[s] Saarõmaalõ.
Velekene noorõkõnõ,
puhuq no pilli pedäjästä,
ajaq sarvõ sarapuusta
neide poissa puhuskõlla,
kar´alatsi kasuskõlla!
Pill´oll´ helle pedäjäne,
kannõl kummõ kadajanõ.
Velekene noorõkõnõ,
puhu_ks lugu poissa poolõ,
tõinõ Narva naistõ poolõ,
kolmas oma kodo poolõ!
Mi veli hoolõlinõ,
hoolõlinõ, meeleline:
kui tä, kulla, kotoh olli,
leie tä tsõõri morola,
vaharatast vahele -
ärä tä taibas´ tarrõ tetäq,
taibas´ tä aita alostada.
Hiidü-s mi veli hirre manta,
pakõ-s veli palgi manta:
võti(s) vestu, leie lastu,
veri täl kargas vestu pääle.
Olõ-s meil häpü hää man,
olõ-s tiko terävä man.