3. Mõisalaul.

SL 804.
H, Setu 1884, 420 (4) < Teaste k. - Jak.Hurt < Teaste Saava (1884).

Olli_ks ma suurõh sulasõh,
pad´ah palgavõtija[h],
suurdõ_ks herri sulanõ,
pad´a palga võtija.
Herräkene, provvakõnõ,
jõvva-i ma kävvüq käsken,
jõvva-i astuq aiõhna!
Andkõq ti mullõ_ks andis,
pankõq pall´o uskuvas:
noroh iks olõ nurmõ pääl.
Tuust iks ankõq andis!
Ku ma_ks kasu, poisikõnõ,
ku ma vinnü, virvekene,
herräkene, provvakõnõ,
jää-i ma_ks norro nurmõ pääle,
as´anda adra perrä -
küll ma sys künnä külä maaq,
rao valla varigoq!
No mul iks pihta peenükene,
om mul olga ohkõnõ,
no_ks ankõq andis,
pankõq pall´o uskuvas!
Kui ma_ks tulõ tõista kõrda,
astu tõsõla ajola,
sõa_ks olõ säitsme sisest,
vainu viie vaihhõlt,
kui ma_ks naka töödä tegemähe,
adraga astumahe,
kui ma_ks lää suurilõ nurmilõ,
herrä pikile põllalõ,
inne naka-i ma tüüd alostama,
lats, kässi laiutama -
panõ_ks ma ilo ii pääle,
laulu laja välä pääle:
külep mul iks ilo ii tege,
laulu laja põllu [tege]!
Esi olõ_ks ma iloh edimätseh,
laulukiräh keskmätseh.