7. Mi nooremeheq ja muuq nooremeheq.

SL 808.
H II 32, 880 (24) < Rõpina khlk. - S.Keerd (1890).

Kaegõq mi nuurimiihi,
mi kolga kosilaisi:
käävä_ks salgah kui neeq säksaq,
käävä_ks hulgah kui neeq osjaq,
om neil hulgah olut juvva,
om neil salgah saia süvvä!
Hulgah naaq massvaq ollõraha,
salgah massvaq saiaraha.
Siid um näil kübärä pääl,
kard kaabu veere pääl.
Sõitvaq suuh saaniga,
lootsikoga luhta pite,
parvõga pallo pite -
lootsik um näil luigaluista,
parv näil pardsipudsajista,
viin iks loks lootsikoh,
olu pilks pikõrih.
Kaegõq muida nuurimiihi,
muu kolga kosilaisi!
Kääväq hulgah kui neeq hundiq,
kääväq salgah kui neeq sandiq.
Köüds iks näil um kübärä pääl,
kabõl kaabu veere pääl.
Olõ-i näil salgah saia süvvä,
olõ-i näil hulgah olut juvva,
kusi näil loks lootsikoh,
vesi pilks pikõrih!