9. Nooremehe sõit.

SL 810.
EKS 8° 4, 422 (6) < Räpina, Kõnnu k. - J.Jagomann < Okse Tanilovits (1877).

Mine_ks, vel´o, minemähe,
astuq, vel´o, ajamahe!
Minnä_ks tahiq su hobõsõq,
karadagi kaarasüüjäq.
Kui naa_ks piisüq minemä,
liiva_ks liina põrodiq,
mua leiväq Moskõvahe.
Püsü-i näil kastõ karva pääl,
linaseeme lihi pääl.
Liiva_ks liina põrodiq,
mua leivä Moskõvahe.
Pää_ks pilvi puttu,
kabjaq Kamja mõisahe.
Hopõn iks taivast haan´a sei,
vikahtkaarist vii jõi.
Mi veli hoolõlinõ,
hoolõlinõ, meeleline!
Olli_ks tark tallipoiss,
hoolikas hobõsõpoiss:
tulli_ks söödi, tulli joodi,
talli ratso tasotõlli;
läbi aia anni haan´aq,
läbi pilu pisti roka,
vei_ks kesvi kindaga,
vei kaaro karmaniga.