12. Või, või, võõras tulõ.

SL 857.
EKS 8° 4, 48 (19)ja 515 (9) < Räpinä khlk. - J.Jagomann (1876). [Sama laulu dublett-teisendi H, Jagomann 240 (33) järgi laulik Juula Krigul.]

Või, või, võõras tulõ,
mingas võõras vasta võttaq?
Kuulõq, peenü perenaane,
pääle peenü peremiis:
tapami mi häräkese!
Härgä nakas´ üttelemä:
"Mul jääse ike ikkõmahe,
natukõnõ nuutsumahe!"
Kuulõq, peenü peremiis,
pääle peenü perenaane,
tapami mi utekõsõ!
Ute nakas´ üttelemä:
"Mul jääväq villaq vannumahe,
vakka vannumahe!"
Või, või, võõras tulõ,
mingas võõras vasta võttaq?
Kuulõq, peenü perenaane,
pääle peenü peremiis:
tapami mi kit´ekese!
Kit´e nakas´ üttelemä:
“Ma anna suvõl suurõ piimä,
talvõl paari pujakõisi!"