22. Õnnetu minia.

SL 882.
EKS 8° 3, 389 (30) < Räpina, Raadama k. - Joh. Hurt (1876).

Lää kodo kammõrdama,
vesiputro vemmerdämä.
Kotoh kur´aq perenaisõq,
vihatsõq velenaisõq:
võtvaq kivi keresselt,
tõrvaskannu tarõ alt,
laskvaq mullõ lagipäähä,
oskasõq otsa pääle.
Võtvaq kimbo kirstu takast,
kalõ vitsa kapi takast,
pessäs´ minno pingi pääl,
plaanis´ palgi otsa pääl!
Pandas puuq purõlõma,
tõrvaskannuq tõrõlõma.
Kodo uutvaq kuiva kuusõq,
vasta paukvaq pedäjäq.