32. Olõs´ elo ette tiiäs´.

SL 899.
H II 32, 938 (2) < Räpina, Toolama v. - J.Suurmann (1888).

Olõs´ sii elo ette tiiäs´,
ette mõistas´ mõro elo,
ega sis kotost kohe lääsiq,
velist kohe veerüsiq!
Teesiq vele teopääväq,
käüsiq vele kar´akõrraq,
kuulõsi_ks kodo kur´a,
kannahtasiq kodo kalõ.

SL 900.
EKS 4° 4, 137 (11) < Räpina, Veriora v. - J.Kotli < Tsia Ann (1877).

Saie_ks näio saanuvas,
armas näio antuvas,
saie ütsi nädäläkene,
pääle katsi pääväkestä -
saie ritka mõrombi,
kurslauka kurembi.
Olõs´ mi elo ette tiiässi,
ette mõistas´ mõro elo,
lääsi-i mi kotost kohegi,
viisi-i jalga velisist!
Kotoh olõs´ mi kuusi aigo,
velisina viisi aigo,
tiissiq esi teopäiväq,
kannassiq esi kõrra kõrraq.
Sest om jummal häste tennü,
Maarja targast talitanu,
et mi ello ette tiiä-i,
ette mõista-i mõrro meeltä:
selle läämi mi kotost kohe,
viime jala velitsist!