6. Kodo uutvaq ulliq latsõq.

SL 846.
H, Setu 1903, 343 (157) < Helbi k. - Jak.Hurt < Miku Ode (1903).

Neio_ks-kõist noorõkõist,
pääle_ks veljä noorõkõist!
Vell´o_ks-no-kõist noorõkõist,
ime_ks-last helläkeist!
Vell´o pidi_ks no maid Pihkvani,
tekk´ iks tä rüki Riiani,
tekk´ iks tä pall´o palomaid,
soie_ks taadõ suuri nurmi.
Ärä_ks tä lausi meelestäni:
naisõ_ks-no-kõist noorõkõist,
linik-iks-pääd linnukõist -
läts iks tä pallo põimõma,
kallis läts tä_ks kokko kandõma.
Esi_ks tä põimi põllu pääl,
esi_ks tä põimi, esi lauli,
lauli_ks no väläh välä pääl.
Vell´o_ks no vilja kodo vidi,
ime_ks-no-kana kodo kanni.
Ratas iks rummista rogisi,
regi_ks no kiidsi kõdarist
palost iks vilja vitenäni,
kavvõst kodo kandõnani.
Naisõ-no_ks-kõist noorõkõist -
olli_ks põtra põllu pääl,
susi oll´ tä_ks suurõ nurmõ pääl,
kahr olli tä_ks kaaravälä pääl.
Nakas´ iks õtak tulõma,
nakas´ iks hämmär hällümä,
nakas´ iks vilu veerümä,
kiä tull´ iks kodo kutsuma,
kua_ks no majja manitsõmma?
Kurgi_ks keelilä kõnõli,
mõtus iks meelel mõistutõlli,
kurgi_ks no ütel´: "Tulõq kodo!"
mõtus ütel´: "Makaq mõtsah!"
Neio_ks lausi meelestäni,
neio_ks jäi mõtõlõmma,
mõtõlõmma, lootõlõmma:
"Kas mul iks kullõlda kurõ sõnna
vai_ks mõistaq mõtusõ miilt?
Ärä_ks mul kullõlda kurõ sõna -
kodo no_ks uutvaq ulliq latsõq,
piitsvaq piimäsuukõsõq!
Umma uutva_ks imme imetämmä,
kaesõ_ks umma kasvatajat,
kuna tulõ_ks kodo imekene,
kaalus kodo kasvataja,
tulõ_ks ime imetämmä,
tulõ_ks no kandja kaema."
Neio_ks-no-kõist noorõkõist!
Tull´ tä_ks kodo, kullakõnõ,
majja, meelimar´akõnõ,
ummi tull´ tä ullõ hoitma,
kanno tull´ tä_ks üle kaema.
Ärä tä_ks lausi meelestäni,
lausi meele poolõstani:
"Ülä_ks imme helläkeist,
kaasa mammat mar´akõist -
ime_ks no hoiji oigõhõ,
ime_ks no kasvat´ kallihe,
ärä_ks tä pidi pehmehe!"
Muido_ks tä hoiji oigõhõ,
muido tä_ks kasvat´ kallihe -
pitä_ks saa-s rinnapiimäl,
katõl rinnal kasvata.
Umma_ks no imme helläkeist,
umma_ks no mammat mar´akõist -
tuu_ks pidä rinnapiimäl,
katõl rinnal kasvatõlli.
Neio_ks-kõist noorõkõist!