12. Karja ajaja kurvastus.

SL 944.
H I 8, 427 (40) < Vastseliina khlk. - J.Sandra < P.Hussar (1896).

Tulli ma üles inne muida,
inne ao tulõkita,
nüssi ma lehmäq, kurnssi piimä,
vali valgõ valgõ'õhe.
Lätsi mõtsa minemähe,
karja laidist laskõmahe,
ai müüdä suurt küllä,
ai müüdä alõvita.
Olli küläh pall´o poissa,
pall´o poissa, suuri ts´urrõ,
kõrgilla kübärilla,
sirgilla saapilla.
Peiq nääq illo piiri päältä.
tandsu külä tanomistah.
Säält ma veidü vihasi,
raasa pall´o pahasigi,
säält ma kodo joostõh joosi,
joostõh joosi, jaluh käve.
Ütli sis umalõ imäle,
kasvatajalõ kõnõli:
"Imäkene helläkene,
milles poisiq ninno põliq,
korgõq kaoq minno naariq?
Ei ma priskõ, ei ma illos,
ei mul vahtsit viisa jalah;
et mul hamõ halvust linost,
et mul põll om pakõlista -
selle poisiq minno põlgvaq,
lajaq kaoq minno laitvaq,
noorõq meheq näägotavaq.
13 ja 14 r. on tumedad, nimelt ridade viimiste sõnade (päältä, tanomistah) pärast. "Tanomistah" on = "tanomista", kus lõpu a iseäraline lühikene väljaütlemine h-pookstaviga on tähendatud.