14. Väikene karjane.

SL 947.
H III 29, 877 (15) < Setumaa - M.Evert < Juuli Pille (1901).

Neiokõnõ noorõkõnõ,
noorõkõnõ, nõrgakõnõ,
laula_ks ma s´oo laanõ all,
kunnu all kul´atõllõ,
vasta_ks kuukvaq kunnu tsirguq,
vasta laulvaq laanõ linnuq.
S´oo_ks ma kõrralda kõnõla,
as´anda jutu aja:
kuugu-i vasta kunnu tsirguq,
laula-i vasta laanõ linnuq,
vasta kuukvaq kuivaq kuusõq,
laulvaq ladvalda pedäjäq.
Neiokõnõ noorõkõnõ,
noorõkõnõ, nõrgakõnõ,
ärä_ks ma laula, neiokõnõ,
laula, meelimar´akõnõ.
Pant iks mu karja kasumahe,
vitsa ala vinnümähe.
Neiokõnõ noorõkõnõ,
noorõkõnõ, nõrgakõnõ,
edo_ks kurja kar´a ello,
mõro mõtsa elämine!
Edo_ks mino imekestä,
mino meelimar´akõsta -
panni_ks tä karja kasumahe,
vitsa ala vinnümähe!
Olli_ks ma väega väikene,
tinarinda till´okõnõ.
Selle jäie ma, näio, vaesõst,
tinarinda till´okõsõst:
pand´ iks karja kasuma,
vitsa ala vinnümähe.
Olõs´ iks mul uma imäkene,
mar´al uma maamakõnõ!
Neiokõnõ noorõkõnõ!