6. Karja söötes.

SL 936.
H, Setu 1884, 140 (33) < Kran´tsova k. - Jak.Hurt < Darja Petrovna (1884).

Süüq, süüq, kar´akõnõ,
maidsaq, meelimar´akõnõ,
süü_ks säälä, koh mi söödä,
juu_ks säälä, koh mi jooda!
Ärä_ks otsiq orashaina,
ärä kaeguq karitshaina,
oras-iks-haina oholinõ,
karitshaina kah´olinõ!
Sööge_ks sedä söödühaina,
kergehetä kesähaina,
sööge_ks kõttu kui tuu kõtra,
maitskõq mago kui tuu marja -
kotoh iks ummaq kuivaq ruheq,
tarõ eenä tahheq pangiq!

SL 937.
H II 4, 94 (41) < Laossina (Liiva) k. - Jak.Hurt < üks vana naine (1886).

Süü_ks, kull´a kar´akõnõ,
maidsaq, meelimar´akõnõ,
kulda-süüq-haina kuusikost,
vahalatva varikost!
Siin om hää haan´akõnõ,
kallis kar´a söögikene.
Muido om iks hää, om must,
muido kallis, om kalg:
ega süüq ese hopõn,
viirt võtaq vele ratsuq -
sedä söövä sõahobõsõq,
veere võtvaq vinne ratsuq.
Imel omma_ks näidiseq kotoh,
sinipõllõq põrmandul,
langasvüüq lavva takah -
varra ajavaq kar´a kesäle,
inne muid mulla pääle:
varra sai_ks võid vahanõ,
inne päivä illos´ piim.
Sys tuus´ iks ime nuuq haan´aq,
mõistsõ nuuq mõtsahaan´aq,
mingas iks nüss´koq havvuti,
mingas anomaq ariti.
Sys sai no_ks pääle pakso piimä,
ala piimä ausa.
Viidi_ks näio ar kotost,
langasvüü lavva takast,
sinipõllõ põrmandult,
lõppi_ks imel illos´ piim,
vanal võid vahanõ.