1. Marja minnes.

SL 954.
H III 29, 949 (21) < Setumaa - M.Evert < Juuli Pille (1901).

Neiokõnõ_ks noorõkõnõ,
noorõkõnõ, nõrgakõnõ!
Kohe lääme mi_ks, neiokõsõq,
lääme, meelimar´akõsõq?
Om iks meid hulka neiokõ[i]si,
om iks kamand kabokõ[i]si.
Nakami_ks laulu laulõmahe
ja illo iskimähe.
Lätt iks meil ilo ilosahe,
lätt iks meil laulu ladusahe.
Om iks meid hulka neiokõ[i]si,
ommõ kamand kabokõ[i]si,
selle lätt iks meil ilo ilosahe,
selle lätt iks meil laulu ladusahe.
Neiokõsõq noorõkõsõq,
ilo sallõ_ks ütsät,
laulu katsat kannatõlli,
ilo om iks illos ütsäl,
laulu kallis katsal,
sys lätt iks meil ilo ilosahe,
sys lätt iks meil laulu ladusahe.
Neiokõsõ_ks noorõkõsõq,
kohe läämi_ks mi, neiokõsõq,
kaalumi, kabokõsõq?
Lääme mi_ks marja mäele,
üle liiva linohkahe,
üle palo palohkahe!
Korja_ks no korvi mi kuh´aga,
mar´avaka veeretasa.
Naksi_ks mi kodo tulõmahe,
kaboq kodo kallumahe,
tikõ tull´ no vasta tii pääl,
pakan´ vasta palo pääl,
maaha vali_ks tä mar´avaka,
kallas´ maaha mar´akorvi.
Neiokõsõ_ks noorõkõsõq,
lääme_ks mi kodo minemä
ja kaboq kodo kalluma!
Olli_ks, olli, koh mi olli,
käve, käve, koh mi käve,
käve mi_ks marjamäel,
üle liiva linohkah,
üle palo palohkah.
Neiokõnõ_ks noorõkõnõ,
tunnus iks siin külä tulõvat,
külä aiaq astuvat -
laulgõ_ks mi umalõ küläle,
uma aia alõvulõ!
Neiokõnõ_ks noorõkõnõ,
külä-om-iks-naaseq kui imändäq,
küläpoisiq poolõ herräq,
külä-om-iks-neioq näitsükeseq.
Uhkõ om iks neio külä otsah,
verrev neio külä veereh,
neiokõnõ_ks noorõkõnõ!