3. Osja minnes.

SL 959.
H II 4, 383 (160) < Ugareva k. - Jak.Hurt < Kriisa Kati (1886).

Lääme osja ojje pääle,
lääme kõlda kõvõrahe!
Otsõ mi suurõ üsätävve,
saimõ suurõ sälätävve,
os´aq olliq pikäq ja piinüq.
Tulli mi kodo, näiokõsõq,
kaldu kodo, kabokõsõq.
Olli ma, näio, väikene,
kabokõnõ kasinakõnõ,
ime_ks elli mul ütsindä,
kandja katõla käelä,
olli meil tarõ tahmatõt,
olli meil kodo kopitõt -
ma_ks os´ol oitõlli,
ma_ks kõllol kosutõlli.
Sai_ks sainaq valgõq,
pingiq kui lumõpisukõsõq.