1. Tulkõq üles, tüterenni!

SL 961.
H I 8, 352 (13) < Vastseliina khlk. - J.Sandra < Leeno Pant (1896).

Tulkõq üles, tüterenni,
karakõq üles, kanasõq!
Uni ei annaq uuta kuubõ,
magaminõ maani särki.
Uni saadap [h]ulgumahe,
magaminõ marssimahe,
tühi tuu tülü majassõ,
nälg näpitse söämehe.
Tulkõq üles, tüterenni,
karakõq üles, kanasõq!
Pankõq sõrmõq sõdimahe,
vardakõsõq vadisõma,
raudapulgaq kõlisõma!
Suvi lõpõs, süküs tulõp,
talv tahap tallutamisi,
vilu villatsit rõivida,
külm küsüs kindõhit,
süvä lumi suuri sukkõ,
talv taht voonanahka,
tiksja-paukja pehmet salli.
Küll sis nägeväq nälätsegi,
pandvaq tähele pal´akugi,
kui ommaq kindaq künnärpääni,
suurõq sukaq seereni,
midä sõrmõq sõdinu,
raudapulgaq pusõrdanu.
[Näib olevat J.Sandra arendus Eestis populaarsest regilaulutüübist - P.H.]