10. Pestes.

SL 979.
H, Setu 1903, 110 (55) < Helbi k. - Jak. Hurt < Miku Ode (1903).

Tulli_ks mi mõskma mõtsa ala,
tulli_ks mi kolkma kunnu ala,
mõskminõ lätt iks mõtsa pite,
kolkminõ kundu pite.
Tulli_ks mi musta mõskõma,
kalgi_ks kuivi kolkõma.
Tulli_ks mi ilmal ilosal,
tulli_ks mi pääväl valusal.
Tulnu_ks mi ilmal ilotul,
kui mi_ks saanuq saotsõl,
sys saanu-s valgõq linigeq,
saanu-s hammõq ilosaq.
Tulli_ks mi ilmal ilosal,
tulli_ks mi pääväl valusal,
tulli_ks mi ninniniidü pääle,
tulli_ks mi mere veere pääle,
tulli_ks Piusa perve pääle,
saava_ks valgõq linigeq,
saava_ks hammõq ilosaq.
Sedä_ks mi aigu ammu oodi,
ammu mi_ks oodi, kavva kaie -
oo_ks mu sirgõt sysard -
kuna nakas tä hammit havvutamma,
linikit leotamma:
sys saa_ks mi musta mõskma,
kalgi saa_ks mi kuivi kolkma,
ütte saa_ks kokko kul´atamma,
sys astu_ks mi aigu viitmä!
Nakka-i_ks mi ujah mõskma,
nakka-i_ks mi lumbih loputamma,
mõskma lää_ks mere veere pääle,
mõskma lää_ks mi Piusa perve pääle,
lää_ks mi ninniniidü pääle -
sääl saava_ks valgõq linigeq,
saava_ks hammõq ilosaq.
Kui mi_ks mõsõ uja veereh,
kui mi_ks lumbih loputammi,
sys jäänü_ks lipõ linikihe,
tuhk jäänü_ks toimirõivihe.
Kui_ks mi mõsi mere veereh,
kui_ks mi huhi jyyh,
saiq iks rõivaq ilosaq,
saiq iks valgõq vajarätiq,
ladusaq sai_ks lavvarätiq.
Astõ_ks appi armallõ,
kaldu_ks mi appi kallillõ.
Selle_ks astu mi appi armallõ,
kaldu_ks appi kallillõ:
uma om iks meil sirgõ sysar,
uma om iks meil meelimar´akõnõ.
Om iks tä naane latsilinõ,
om tä_ks kabo kanastõlinõ,
omma_ks latsõq väikoq,
omma_ks kanasõq kasinaq,
selle mi tälle_ks appi astõ.
Astõ_ks appi armallõ,
kaldu_ks appi kallillõ
sedä_ks tüüd tegemä,
kalgõ_ks kuiva kolkma,
hüvvi_ks hammit huhtma,
linikit leotamma.
Neio_ks-kõnõ noorõkõnõ!