8. Kelle ma umblõ udsuhammõ?

SL 974.
H I 6, 214 (27) < Setumaa - J.Sandra (1894).

Võõras ütel´: "Lõikaq, lõikaq!"
tõõnõ võõras: "Tõmbaq, tõmbaq!"
Ku ma_ks lõika, lõika sõrmõ,
ku ma tõmba, tõmba tõõsõ.
Olõ-i mul kotoh umma immä,
umma hellä armastajat,
keä pand kirju kirotama,
udsuhamõht umbõlõma.
Kelle ma umblõ udsuhammõ,
kelle peenü piloda?
Ku saa miis meeleline,
kaasa kaala-arvulinõ,
otsi sis kirstust udsuhammõ,
perä alt piinükese,
anna sälgä hainangul,
panõ sälgä palaval.
Kui saa miis kuri miis,
kaas ülikammõlik,
tii sis tälle teki tükü,
kua tälle koti tükü,
anna sälgä hainangul,
panõ sälgä palaval.
Sinnä sis sulas suur süä,
sinnä kaos kalg miil,
sinnä palas paha miil -
kivest ma tälle keedä pudro,
sõmõrist soola heidä.