13. Nüüd oo tsirgu söömätägi.

SL 997.
H I 2, 677 (9) < Räpina khlk. - G.Narusk (1889).

Susi söönüq söögituuja,
lakatanuq joogi laarja!
Olõs võti ime vüülä,
taba taadi puusa pääl -
nüüd oo võti võõra vüül,
taba targa puusa pääl,
nüüd oo tsirgu söömätägi,
lõõvo ilma lõunõ'õta.
Etse tulõq, tuulõkõnõ,
hõl´otõlõq, hõngukõnõ!
Puhuq higi hiussõst,
puhuq pallav palgõst -
higi rikke mu hiusõkõsõ,
pallav rikke mu palgõkõsõ!