16. Käänkeq, käänkeq, käekeseq! (Põldu lõpetades).

SL 1003.
H II 4, 97 (43) < Laossina (Liiva) k. - Jak.Hurt < üks vana naine (1886).

Käänkeq, käänkeq, käekeseq,
sõudkõq, sõudkõq, sõrmõkõsõq!
Andkõ_ks sõrmilõ sõnno,
käevarsilõ vallu,
lasku-i sõrmi sõimõlda,
käevarsi vannuq!
Oiuq sa otsa, osakõnõ,
veeräq viirde, iikene!
Esi meil lag´a, latsõq noorõq,
vago meil pikkä, vaimuq nõrgaq.
Otsah meid uutvaq unopojaq,
veereh uutvaq veleq noorõq!
Osa sai meil otsa oiunust,
esi viirde veerünüst,
ega ooda-s otsah unopojaq,
veereh ooda-s veleq noorõq -
otsah meid oodiq ugalasõq,
veereh oodiq veneläseq
hiusõlla hirmsalla,
palgõlla paganalla.

SL 1004.
EKS 8° 4, 444 (19) < Räpina, Kõnnu k. - J.Jagomann < Okse Tanilovits (1877).

Velekeseq noorõkõsõq,
lääme_ks vahtsõ vao pääle,
aeti vahtsõ ii pääle.
Esi lag´a, latsõq noorõq,
vago pikk, vaimuq nõrgaq.
Neiokõsõq noorõkõsõq,
otsah iks uutvaq onopojaq,
veereh vaht´vaq veleq noorõq
ollõkanniq kangõlah,
viinapikeriq peohna!
Saie no otsa ojonus,
saie viirde veerünüs,
olõ[-s] iks otsah onopoigõ,
vahi[-s] veereh veljo noori -
otsah iks uutvaq ugalasõq,
veereh vaht´vaq virmalisõq
hiusõl iks hirmõsal,
palgõl paganal.
Neiokõnõ noorõkõnõ,
sedä ma_ks hiust ärä heitü,
sedä palõht pakku lätsi,
sedä ma_ks põssi põõm´u ajo,
haigõ olli haan´a ajo!