2. Külvilaul.

SL 982.
H, Setu 1903, 114 (59) < Helbi k. - Jak. Hurt < Miku Ode (1903).

Lätsi nurmõ külbemä,
lää_ks peost pilluma
kallit iks kaaraterri.
Rühi rüki külbäq,
rühi_ks vilja visada,
armas, iks pilluq ao pääle,
tetä_ks tüü tunni pääle.
Armas iks tii ao pääle,
tuumatõllõ_ks tunni pääle,
sys iks kasus kallis vili,
sys iks vinnüs hüä vili,
kasus iks kahi-kaara,
saa iks pikkä lina.
Miä_ks või võiva tetäq,
kua_ks võiva kohe minnä?
Uma jääq sa_ks, ese, oppamma,
mar´a_ks, mano näütämmä,
kohe nakka_ks ma linno liigutamma,
kui nakka_ks ma nurmõh külbemä,
nakka_ks ma kesvi keerätämmä.
Om iks armas adratüü,
om iks muudsamb mullatüü.
Aja_ks ma lina adra ala,
kesvä_ks ma äestä ägli ala.
S´oo_ks ma kõrralda kynõli:
aja-i iks ma linno adra ala,
kesvä_ks ma aja adra ala,
lina_ks ma, armas, äestelle.
Kae_ks ma, kae meelestäni:
olõ_ks ma miis meeleline,
talopoig taiulinõ,
mõista_ks ma tetäq mehe tüü,
taia_ks ma tetäq talotüü.
Olõ_ks ma luud kündijäst,
kündi_ks-jäst, külbijäst,
luud iks peost pillijast,
musta_ks mulla pöörijäst,
vaenõ_ks, vaivanägijäst,
armas, adrakandijast.
Adõr iks arolõ lagosi,
leivä_ks-puu lepistühe.
Kutsi_ks küläst köütjät,
armast adrasäädjät.
Kohe_ks ma linno liigutõllõ,
suvirüki soetõllõ?
Künnä_ks ma maid ilosit,
künnä_ks ma siila sitalitsi.
Viländ iks saa maada kündijälle,
kündi_ks-jälle, külbijälle;
viländ iks saa vettä sõudijallõ,
kiä_ks veeräs vinnega.
Kiä_ks murd mullatüüd,
tegijälle_ks saavaq teräq salvõ.
Kiä_ks om tüüline,
tüüline_ks, hoolõlinõ,
tegijäl iks teräq salvõh,
ragojal iks raha pangah!
Viländ iks maad kündijälle,
kündi_ks-jälle, külvijälle;
terä_ks maalõ tegijälle;
viländ iks vettä sõudijallõ,
sõudi_ks-jalle, püüdijälle
Püüdijit iks võttijit -
juusk iks neil vili vett pite,
raha_ks rannaruugu pite!
Külbijät iks kündijät -
juusk iks vili virgest pite,
raha_ks põllupinnärd pite!
Vinnüse_ks hüäq viläq,
kui_ks kasvi kallis põld,
saa_ks sys liina linnoga,
kaalu_ks liina kaubaga,
vii_ks müügis müürü pääle,
kaubas iks kaalulavva pääle,
võta-i iks punda poolikit,
võta-i_ks nakla narrituisi.
Säält saa_ks raha kündijälle,
kündi_ks-jälle, külbijälle,
vara_ks vaivanägijälle,
musta_ks mulla pöörijälle.
Neio_ks-kõnõ noorõkõnõ!