20. Rohke viljalõikus.

SL 1015.
H, Setu 1884, 213 (8) < Tobrova k. - Jak.Hurt < Tobrova Ode (1884).

Tetti_ks rüki Riiani,
võeti pall´o palgaliisi,
hüä tükü tüümiihhi.
Kui_ks põimi põllukõsõ,
labõ_ks laja väläkese,
veli nakas´ iks viljä vidämä,
kaaro kodo kasima,
regi täl iks kiidsi kõdarini,
rattaq rummuni rogisiq.
Sys sai riihi rikkallõ,
sai aita ausallõ.
Käve_ks külä küsümähe,
tõsõq taloq tahtõmahe.
Olli_ks täl aidah annivakaq,
salvõ pääl saadivakaq.
Sõrmus oll´ täl iks kullanõ sõrmõh,
hamõh oll´ säläh peenikene -
kakõs´ iks täl hamõh linanõ,
kakõs´ pihta peenikene
aidast iks vällä andõh,
salvõst vällä saatõh;
lõppi_ks sõrmus kullanõ,
vaiu vaskivitsakõnõ.