21. Teeme tüüd timohkallõ.

SL 1016.
EKS 8° 4, 446 (20) < Räpina, Kõnnu k. - J.Jagomann < Okse Tanilovits (1877).

Velekeseq noorõkõsõq,
noorõkõsõq, helläkeseq,
teeme_ks tüüd timohkalõ,
näeme vaiva varga'alõ,
tunnõ-i timohk tenädä,
varas vaiva vasta võtta!
Velekene noorõkõnõ
saa-i tingä tegemäst,
krossi kokko pandmast -
kuri saasõ_ks sõna krossista,
paha sõna palgasta.
Neiokõnõ noorõkõnõ,
olõs ma_ks tennü esä tüüd,
nännü vaiva vanõmbalõ,
esä_ks kitnüq kerikoh,
avvustõlnu aldõrih:
"Om iks tütär tüüd tennü,
lats kässi laotõlnu!"
Neiokõnõ noorõkõnõ,
jäänü mul kitus kerikohe,
au aldri lävele!