23. Rehelaul.

SL 1022.
H, Setu 1884, 129 (29) < Kran´tsova k. - Jak.Hurt < Darja Petrovna (1884).

Vell´o_ks lausi meelestäni,
lausi meele poolõstani:
"Sõsar iks, hellä linnukõnõ,
matal´ meelimar´akõnõ,
läki_ks mi rinda rihe mano,
otsa olgi kandõmahe!"
Lätsi_ks naaq rinda rihe mano,
otsa olgi kandõmahe.
Vell´o_ks lausi meelestäni:
"Sõsar iks, hellä linnukõnõ,
matal´ meelimar´akõnõ,
nõsta_ks kuuti korgõhe,
panõq maalõ parahidõ!
Külest iks kaesõq külgmätseq,
veerest rahvas viirmäne,
kas lüü_ks tä kuuti korgõhe,
panni maalõ parahidõ."
Sõsar iks lausi meelestäni,
lausi meele poolõstani:
"Inämb iks vaiva laulijal,
kui tuu rihe pessijäl.
Andkõq vatska laulijallõ,
ritka rehe pessijälle!
Inämb iks vaiva laulijal,
kui tuu rihe pessijäl -
rihe_ks pessi, ni unõhti,
laulu lauli, tõist murõhti."
Vell´o_ks lausi meelestäni,
lausi meele poolõstani:
"Sõsar iks, hellä linnukõnõ,
kui olt sa_ks rinnah rihe man,
otsah olgi kandõh,
kui sa_ks astut au pääle,
kui sa liigut leeme pääle,
anna_ks tarõ saja saistaq,
anna pingi peio istuq,
katõ_ks kaasigõ karada!"