24. Sõnnikulaul.

SL 1023.
H II 4, 179 (71) < Lobotka k. - Jak.Hurt < Maarja (1886).

Siroq, siroq, sitakõnõ,
aroq, aroq, asukõnõ!
Siiä ma panõ pad´a sita,
pad´a asu arotõllõ -
padi_ks rügä paisumahe,
kanepkõrsi kasumahe,
pilliruugu pikenemä!
Kuus iks kuhja nurmõ pääle,
viisi põllu veere pääle,
sada mõõdind saama,
tuhat mõõdind tulõma:
sada mõõdind salvõterri,
tuhat mõõdind turuterri!
Siist iks saavaq sajateräq,
oiusõq ollõteräq,
saavaq valgõq vadsateräq,
pehmeq piiragu-jahuq!

SL 1024.
H II 4, 102 (46) < Töganitsa k. - Jak.Hurt (1886).

Siiä panõ pad´a sita,
suurõ sita sirotõllõ.
Padi rügä paisumahe,
kanepkõrsi kasumahe!
Siiä_ks kiso Kiudu sita,
siiä lasõ Laugi sita -
kuus saa_ks kuhja nurmõ pääle,
viis põllu veere pääle!
Tuudi_ks vikla Viromaalt,
tuudi harki Har´omaalt
kuhilikka kohendõlla,
päävihka pääle panda.
Tohi-i tuvi pääle tulla,
haugas iks harja linnada -
haugas peläs´ umma harja,
tuvi umma tutukõist,
pääsko umma pääkeist.

SL 1025.
H III 29, 943 (18) < Setumaa - M.Evert < Juuli Pille (1901).

Neiokõnõ noorõkõnõ,
noorõkõnõ, nõrgakõnõ!
Siroq, kulla sitakõnõ,
veerüq, kulla virdsakõnõ!
Siiä panõ pad´a sita,
siiä virdsa virdsutõlõ -
padi rügä kasumahe,
pilliruugu vinnümähe,
kanepkõrsi kasumahe!
Neiokõnõ noorõkõnõ,
selle saa_ks siih hüä rüäkene,
saa kallis siih kasuma.
Neiokõnõ noorõkõnõ!
Siroq, kull´a sitakõnõ,
veerüq, kull´a virdsakõnõ!