27. Noore sulase vabandus.

SL 1040.
H, Setu 1884, 468 (26) < Teaste k. - Jak.Hurt < Teaste Saava (1884).

Kuulkõ_ks, piinüq peremeheq,
perenaisõq, neitsükeseq,
pere_ks-pojaq, poolõq herräq,
angõ_ks mullõ andis,
pankõ_ks pall´o uskuvas:
mõista-s ma tetäq mõnda töödä,
aiaq mõnda asõlda,
jõvva-s ma kävväq käsken,
jõvva-s aiaq aiõhnani!
Piitsk võtaq sa_ks umma peio,
ruusk umma rus´kohe,
ärä sa_ks pessnüq piidsala,
ärä rops´nuq roosala -
annu-s sa kuuldaq kolgalõ,
lasnu-s veerel veerätellä:
mõista-s tetäq mõnda töödä,
mõista-s aiaq mõnda asõld!
Kuulõq sa, peenü peremeesi,
kui ma lää kodo, kullakõnõ,
majja, meelimar´akõnõ,
naaku-i sääl suurõst suditama,
pahapall´o penätämä:
jalgu ma kängi-s kärmähe,
suud mõsõ-s sorõhõhe!
Kui ma tulli_ks ti kodo, kullakõnõ,
ti majja, mar´akõnõ,
tõit ti mullõ kätte kängidseq,
tõit rüppü rõivaq.
Jummal tiid iks jumalakõnõ,
Ma[a]rja tiid madalikku,
kiä and ´ kätte kängidseq,
kiä and rüppü rõivaq -
kodo om iks ärä koolnu,
maja ommõ maalõ lännü,
kodo om jäänüq koira joostaq,
maja ilveste elidäq!