8. Mi veli ilmarikas.

SL 990.
H III 11, 843 (4) < Vastseliina khlk. - M.Sikk (1890).

Velekene noorõkõnõ!
Mi veli ilmarikas,
tegi rüki Riiani,
Pihkvani pidi maid,
muid maid Moskvani,
Tartuni tekk´ taterikka.
Mi veli_ks kütüst kündse,
mi velel iks sõõrusõrmõq.
Selle laulu tahaotsa on üleskirjutaja veel järgmised riismed pannud, mis silmanähtavalt kahest iseseisvast laulust pärit on:
Mi veli läts Riiga kosjovallõ.
Rii(g)a tütär hirmus rikas,
Väinä tütär väikene,
Kõiva tütär ärä koolnu,
Narva tütär naises sai.
Olõ-s tä käpe käuma,
olõ-s apar astukillõ.
Kosõ ma Virolt virga naise,
Soomõ sirgõ sõsarõ.
Sai mul näküs naisekene,
sai mul kõpus´ kabokõnõ,
sai_ks pisu peenikene.
Naksi ma naista vihkama,
pisu huult pilkama:
naine_ks põlvist põksa[h]ti,
seeremar´ast maksahti.
Lätsi ruttu ma Rootsimaalõ,
salatiid Saksamaalõ,
tõi ma_ks roho Rootsimaalt,
tõi suitsu Soomõmaalt.
Suitsutõli ma jo üts kõrd -
naine jo põlvõst põksahti;
suitsutõli ma tõist kõrd -
naise varvas niksahti;
suitsutõli ma kolmat kõrd -
võtt´ jo mano magama!