3. Kündjä elo ja püüdjä elo.

SL 1047.
EKS 8° 4, 248 (36) < Räpinä khlk. - J.Jagomann (1877).

Koh iks kündijä väläh,
sääl laulijaq väläh,
laululatsõq lavva takah,
laulu-istõ istõmõl.
Koh iks püüdijä väläh,
sääl ikja tarõh,
iku_ks-latsõq lavva takah,
iku-istõ istõmõl,
ikku tandsõ tarrõ pite.
Saadi ma_ks miist merele,
saadi kaasa kalalõ,
anni ma_ks üteh koolikaali,
üteh surma-suuräti,
üteh ma havva-hammõ,
üteh kalmu kapudaq,
üteh ma leenä-linigõ,
üteh kadso kaalaräti.
Tulli_ks üles kolmi tuuli:
venne tuuli, vihhas´ tuuli,
ranna tuuli, rassõ tuuli,
heidi_ks maalõ hingetüs,
kukas´ maalõ koolijast -
ega_ks olõ[-i] viil ossa,
olõ[-i] lainõl ladvakõist,
keset järve kivistikku,
kohe ma_ks heedä hellä käe,
vaav´aq küüdseq vajotõlõ.
Mille_ks mustaq ranna neioq,
karvõhtunuq ranna ka(a)boq?
Inne kuud iks kurgu pääl,
inne ako aar´o pääl;
inne kikast keediq ruvva,
inne ako anniq süvväq!