2. Or´aq oodiq õdagot.

SL 1052.
EKS 8° 4, 191 (2) < Räpina, Kõnnu k. - J.Jagomann < Liisa Samuilov (1877).

Or´a_ks oodiq õdagot,
oodiq päivä minevät.
Ojo_ks, päivä, otsa poolõ,
veerüq, päivä, veere poolõ,
sata_ks sanna kütängohe,
veerüq vii võtõngohe!
Suvi olli_ks pikk sulasil,
nätäl pikk näitsikil.
Kunas neil tulõ õdagokõnõ,
kunas veerüs vilu aig?
Sys lääväq noorõq magamahe,
lääväq ka(a)boq kattõmõlõ.
Lasõ_ks tulõ õdagokõnõ,
lasõq veerüs vilu aig,
sys sa_ks saat unõsängü,
sys sa panõt unõpadja,
sys säät sängüle magama,
katat kinni kasukil,
säät iks kinni särgelä,
panõt iks viländ villatsit,
panõt iks pall´o pakõlaitsi,
liial[t] linarõivit.