8. Käolaul.

SL 1067.
H I 8, 368 (18) < Vastseliina khlk. - J.Sandra < Mari Lõiv (1896).

Kuuguq, kuuguq, käokõnõ,
helgiq, helle linnukõnõ,
kuuguq kuiva suvõkõista,
helgiq helehet haina-aigu!

SL 1068.
H I 8, 368 (19) < Vastseliina khlk. - J.Sandra < Mari Lõiv (1896).

Kägo kuuk kuusõ otsah,
tarõ lävel tammõ otsah:
"Kuuku!
Tere, välle velekene,
punapõskõ poisikõnõ!
ma tuu sooja suvõkõsõ,
kipõ kiini-ajakõsõ!
Kuuku!
Kutsu vällä kiholasõq,
pauguta vällä parmukar´a!"