10. Ärgu uni teile tulgu.

SL 1098.
A: SKS, Veske-Stein nr. 64 < Teaste k. - V.Stein < Teaste Saava (e.a.1872).
B: ÕES, V.Stein 1, nr. 65 ja H II 62, 703 (65).

A. (Algupärane üleskirjutus):
Kai mi_ks ussõ läbi paja,
ai mi_ks pääd akõnillõ:
s´oo_ks kana kaala pääle,
s´oo_ks kikka keele pääle,
mille_ks varra valgõ sai,
inne_ks-aigo ago tull´!
Ime_ks opas´ kotost tullõh,
manits´ majast laskõh,
et: "Kuulkõ_ks, kulla tütterenni,
ärä_ks ti tükeq tüü pääle!
Asklõ pääle arotõlli:
tulgu-i teil uni maatõh,
suiku tulgu-i suuri voki [iih]!"
Olkõ mi_ks üü üleväh,
kikkani keerätelgeq,
valgõni vallatõlgõq!
Kai ma_ks ussõ läbi paja -
päivä_ks tuu paisti paja pääle,
valgõ_ks tuu velle värehille!

B. (Pärastine ümberkirjutus):
Kai mi ussõ läbi paja,
ai mi pää akõnilõ:
s´oo kana kaala pääle,
s´oo kikka keele pääle,
mille varra valgõ sai,
inne-aigo ago tulli!
Imä opas´ kotost tullõh,
manits´ majasta lasta,
"Kuulkõ, kulla tütteri,
ärä ti tükeq tüü pääle!"
Asklõ pääle arotõlli:
"Tulgu-i teil uni maatõh,
suiku tulgu-i suurõ voki iih!
Olkõ_ks üü üleväh,
kikkahani keerätelgeq,
valgõ een vallatõlgõq!"
Kai mi ussõ läbi paja -
päivä paistõ paja pääle,
valgõ väläh värehil!