23. Mingu-i meeleldä mehele.

SL 1119.
H I 8, 417 (1) < Vastseliina khlk. - J.Sandra < Kristin Raudpuu (1896).

Neiukõsõq noorõkõsõq,
kähärpääga kabokõsõq,
nii hoitkõq umma avvu,
kui roidu ruvva pääl,
põrmu rõõsa piimä pääl!
Mingu-i meeleldä mehele,
taiulda talopojalõ -
miis pand tööle meeletöle,
kaasa tööle kangõ'õllõ:
tüvest puud tõstõmahe,
ladvast puud laasimahe!
Tüsse tüve tõstõminõ,
rassõ ladva laasiminõ.
Miä tüvest tetänessä,
miä ladvast lastanõssa?
Tüvest tetti neio kirstu,
ladvast lastõ langalõim.