26. Minkas ma, hani, har´otõlõ?

SL 1135.
H I 8, 205 (1) < Vastseliina khlk. - J.Sandra < Jaan Toll (1895).

Ku ma ääsä kotost tulli,
vällä viirdü värehist,
puttu vasta imäkana,
imäkana, uma sõsar.
Nakas´ minolt nõvvõlõma,
nõvvõlõma, küsülemä:
"Velekene noorõkõnõ,
kunas nakat naista võtma?"
"Sõsarõni armahani,
imä kallis kananõ,
sul om meeli muial minnä,
muial minnä minijäs,
vällä kävvü käletsis.
Jää-i sa mullõ musta mõskjas,
musta mõskjas, kalõ kolk´jas!"
"Velekene noorõkõnõ,
võtaq sa hani Har´omaalta,
pardsikõnõ palomaalta!"
"Sõsarõni armahani,
minkas ma hani har´otõlõ,
pardsikõsõ panõhuda?"
"Velekene helläkene,
astuq sa_ks aida mano,
kepsiq sa_ks kelderehe,
lõikaq lihha, lõikaq leibä,
panõq pääle paksu võidu -
tuuga hani har´otõlõq,
tuuga partsi panõhudaq!"
[Laul on ilmselt J.Sandra looming - P.H.]