29. Õpetus sõamehele.

SL 1139.
EKS 8° 3, 435 (25) < Räpinä, Naha k. - Joh.Hurt < Höödo naane (1876).

Sõa sõnumeq toodivaq,
kadso keeleq kannõtivaq.
Poig läts sõtta sõitõmahe,
veli hellä viirdümä.
Ime opas´ kotost minneh,
maama manits´ majast minneh:
"Ärä sõitku-i iih sõta,
ärä jääguq perrä sõta -
iih tuli punanõ,
takah sau sinine!
Keeräq sõa keskeh,
vaaliq sõa vaihõl -
iih ravva ragominõ,
mõõgal mahamõõtõminõ!
Poigovanni, kallikõnõ,
läät sõtta sõitõma,
vainu vasta viirdümä,
ait sul säläh, taba kaalah,
võtmõrihmaq rinna iih;
nimi jääs siiä niidü pääle,
vari siiä vanijalõ,
küpär siiä künnimaalõ!"