16. Liivah mul linategijä.

SL 1160.
EKS 8° 4, 193 (4) < Räpinä khlk. - J.Jagomann (1877). [Sama laulu dublett-teisendi H, Jagomann 83 (43) järgi laulik Liisa Samuilov.]

Neiokõnõ noorõkõnõ,
noorõkõnõ, helläkene,
havvah ommõ mul hammõtegijä,
kalmuh kangakudaja,
liivah mul linategijä.
Neiokõnõ noorõkõnõ,
tõie ma_ks liinast liivasõgla,
tõie turust toomõ sõgla,
kõik ma liiva liigutõli,
kõik sõmõraq sõõr´atõli:
tahi ma kätt kääpäst,
tahi sõrmõ sõmõrast.
Es annaq kääbäs käekeist,
es annaq sõmmõr sõrmõkõist,
ega annaq mul haud hammit,
ega annaq liiv linikit,
ega annaq kalmu kaputit!
Liivah iks mul linategijä,
kalmuh kangakudaja,
havvah mul hammõtegijä.