30. Kotoh kuri perenaine.

SL 1201.
EKS 8° 4, 179 (49) < Räpina, Kõnnu k. - J.Jagomann < Liisa Samuilov (1877).

Ega_ks tohi-i kodo minnä,
tohi-i majja manida:
kotoh oll´ kuusi kõrki kurja,
kotoh oll´ kuusi kõrki vihast,
kotoh oll´ kur´aq pernaaseq,
vihatsõq mul velenaaseq:
"Kodo_ks tulõ suurõ süüjä,
suurõ süüjä. jämme järäjä,
poolõ_ks pätsi poolõndaja,
neländiku neelähtäjä -
inne_ks muid muru seie,
inne päivä pätsi seie,
inne_ks kikast kiku seie,
inne ako ahotävve!
Seie_ks huu hummongul,
varra inne valgõ'õt.
Kodo_ks tulli muna murd,
muna murd, kana katsko!"
Näie_ks kodo minevätä,
aia otsah olõvat,
sis panti mullõ lammas lavva pääle,
oinas tõsõ otsa pääle,
kir´o panti liha keskehe:
panti varõs varda otsa,
tõnõ aiasaiba otsa!
Säält iks küünüti kükile,
säält haaruti hargilõ -
es küünüq mino küüdsile,
es haaruq mino hambillõ.
Sis anti_ks rooga hapanut,
anti perrä peesitettü.
Sis keedeti putro purõldõh,
lastõ jauha jagõldõh.
Tõie haku, ni haagutõlli,
tõie puid, ni purõli,
aie ahjo, haagutõlli,
kõgõ_ks sund´ sulasit,
näägutõlli näätsikit,
karas´ iks kar´alastõ pääle.
16. ja 17. rea vahel on kaks tumedat rida trükist välja jäänud, mis kuidagi mõistlikku mõtet ei taha anda. Read käivad käsikirjas nõnda: siiski saa ei tunno, / astu inne asõmõlõ.