31. Mul om vesi kavvõst kanda.

SL 1202.
H II 32, 955 (6) < Räpina khlk. - J.Sibul (1889).

Näge võõras tulõvata,
nurmõ otsah olõvata:
"Tulõ küll iks kodo suurõ süüjä,
neländiku neelähtäjä,
poolõ pätsi poolõndaja!"
Panni tä_ks pingi pimehehe,
panni tä pangi valgõhe,
pangi ku tinasta tettü,
vitsa ku vasõsta valõtu.
Mõtõl´ no jo näio maaha istvat -
ega küll no näio maaha istuq.
Mul no vesi kavvõst kanda,
kivi küll no alta kiskuminõ,
mäe küll alta kandõminõ.
Nägi no vihhas´ velenaane,
liia kuri lellänaane,
haari timä kivi kesältägi,
haari halo vanijalta,
keeräht´ tä mullõ keset päädä,
lasi tä mullõ lagipäähä.
Veri tä_ks vällä veeräsigi.
Kos tä no säältä veeräsigi?
Valgõhe hammõhe,
Kos tä säältä veeräsigi?
Puutõhe punatsõhe.
Kos tä no säältä veeräsigi?
Kõrikahe veeritsehe.
Kos tä no säältä veeräsigi?
Kulla no kängä kondsa sisse.
Kos tä no säältä veeräsigi?
Esä no hellä morolõgi.
Miä jo sinnä pääle kasvi?
Pühäq püdseq, kõllõq kõivoq.
Kiä võtt´ maasta pühä püdse?
Tuu vei pilv no Pihkõvahe,
kandõlas no Kaalimaalõ.