33. Miä sai suvõ suurõst tööst?

SL 1204.
EKS 8° 4, 468 (33) < Räpina, Kõnnu k. - J.Jagomann < Okse Tanilovits (1877).

Neiokõsõq noorõkõsõq!
Poigõ'õta vargita,
rataskaala kangita -
näile_ks andas esä ait,
kallatas kodo kari.
Tütteritä_ks vaesita,
armõsita imekannu -
nääle ei antaq esä aita,
kallata-i kodo karja.
Neiokõsõq noorõkõsõq,
minge_ks aita, ankõq vällä,
mingeq salvõ, saatkõq vällä,
saagõ_ks helmi hinele,
saagõq kaala kaalatsita,
kurgu ala kullatsita,
lõõri ala lõõvokõisi.
Neiokõsõq noorõkõsõq,
veedü_ks imä helmijät,
kasinahe kaalatsit.
Meä sai ma suvõ suurõst tööst,
talvõ tarõ-asklõst?
Neiokõnõ noorõkõnõ,
anti ütsi kiilokirst,
kiilokirsto, vaalovakka,
tuugi_ks tukil toetõdi,
silmäpilgul pillati,
sada kõrd sarrati.
Tuu sai ma suvõ suurõst tööst,
talvõ tarõ-asklõst.